Prishtina e ka fituar për herë të 11-të në histori trofeun e Superkupës së Kosovës.
Në finalen e këtij viti, Prishtina triumfoi ndaj Ballkanit.
Ndeshja e zhvilluar sot në “Mardan Palace Stadium”, në Aksu të Antalisë, përfundoi me rezultatin 1:2.
Egzon Sinani shënoi në minutën e 9 dhe Leotrim Kryeziu në të 46.
Ndërkaq, golin e vetëm për Ballkanin e shënoi Krenar Dulaj në minutën e 79.
Për Prishtinën është ky trofeu i 30-të në histori të klubit, përfshirë edhe 11 tituj të kampionit, si dhe 8 Kupa të Kosovës.
