Përfaqësuesit nga Prokuroria dhe Gjyqësori i Kosovës kanë bojkotuar takimin e grupit ndërministror që u thirr nga ministrja e Drejtësisë, Albulena Haxhiu, pas vrasjes së gruas shtatzënë në Prishtinë, të mërkurën rreth orës 18:00, nga ish-burri i saj.
Lidhur me këtë, Haxhiu iu tha gazetarëve se ata do të duhej të kishin më shumë ndërgjegje edhe morale edhe njerëzore.
“Fatkeqësisht as prokuroria e as gjykata, pra as përfaqësuesi nga prokuroria e as përfaqësuesi nga gjyqësori s’kanë qenë të pranishëm, në fakt do të duhej të kishin më shumë ndërgjegje edhe morale edhe njerëzore e profesionale. S’kam koment për veprimet e tyre”, u shpreh ajo.
