Pas shtrenjtimit të derivateve të naftës së fundmi po paralajmërohet edhe ngritja e çmimit për regjistrimin e autoshkollës.
Kreu i Federatës së Autoshkollave të Kosovës, Xhemshit Cakolli tha për Klan Kosova se tarifat prej 250 eurosh për një kandidat janë të vendosura në kohën kur litri i naftës ishte 80 cent, dhe me çmimet e tanishme nuk po mund të mbijetojnë.
Sipas tij, normale do të ishte që çmimi i regjistrimit të bëhej 350 deri në 400 euro.
Qytetarët mendojnë se krahas standardit të jetës në Kosovë, shtrenjtimi edhe i autoshkollave do të ishte rëndues për jetën e tyre.
Kjo çështje do të diskutohet e vendohet në koordinim të autoshkollave bashkë me Ministrinë e Infrastrukturës si organ mbikëqyrës.
