Kuvendi Komunal i Vushtrrisë sot njëzëri ka miratuar statutin e Qendrës Kryesore të Mjekësisë Familjare, përmes të cilit është bërë edhe emërtimi i kësaj qendre “Dr. Safet Idrizi”, shkruan Fokusi.info.
Pro këtij propozimi ishin të gjithë anëtarët e Kuvendit Komunal duke treguar kështu një unitet për veprën e Safet Idrizit si një mjek i shquar.
Propozimi për emërtimin e Qendrës Kryesore të Mjekësisë Familjare ishte bërë nga asamblisti i Lëvizjes për Bashkim, Nezir Klinaku në mbledhjen e datës 25 shkurt 2021 të kuvendit të komunës.
Idrizi ndërroi jetë vitin e kaluar nga Covid-19, dhe ishte deri në momentet e fundit në ndihmë të pacientëve me Covid-19.
Ai gjithashtu ka mbajtur një kohë edhe postin Drejtorit për Shëndetësi dhe Mirëqenie Sociale në komunën e Vushtrrisë, si dhe ishte anëtar i kuvendit komunal për disa mandate.