Kryeministri Edi Rama ka shprehur mirënjohjen për punën e bluzave të bardha. Ai tha se ekipi në të gjithë vendin ka funksionuar në kohë reale.
“Do jenë në dispozicion të personave të dëmtuar. Dua të falenderoj të gjithë ekipin e bluzave të bardha për gatishmërinë. Dua të përgëzoj edhe Ogertën e cila meriton një adresim të posaçëm e cila ka ndërgjegjësuar strukturat në këtë rast emergjence dhe ka mbështetur dhe koordinuar të gjithë sektorin. Më vjen mirë që ka funksionuar në kohë real i gjithë sistemi i emergjencave dhe organizimi kapilar në të gjithë vendin. Vendi nuk është gjetur pa përgatitur. Unë nuk u gjenda këtu por kam pasur mundësin të konstatoj këtë përmes informacionit që merrja. Edhe për këtë besoj që vlen të jemi të inkurajuar. Dua t’iu falenderoj të gjithë për gatishmërinë e reagimit”, u shpreh Rama.
