Kryetari i Komunës së Prishtinës, Përparim Rama ka thënë se kamerat e sigurisë me intelegjencë të lartë artficiale do të vendosën së shpejti në kryeqytet.
Rama ka njoftuar se këto kamera po vendosën për herë të parë në Prishtinë.
“Këto kamera kanë një intelegjencë të lartë artificiale, prodhim amerikano – kanadez, të cilat do t’na ndihmojnë që përmes policisë, të bëjmë identifikimin e personave të cilët hedhin mbeturina, parkojnë në trotuare apo vende ku nuk lejohet”, ka shkruar i pari i Prishtinës.
Rama ka thënë se përmes këtij sistemi, do të identifikohen, në kohë rekord, personat e përfshirë në vjedhje, rrahje apo çfarëdo vepre të tillë.
“Personat të cilët me makina hynë gabim në rrugë një kahëshe, bëjnë tejkalim në vi të plotë ndarëse, apo udhëtojnë me veturë të paregjistruar, do të identifikohen menjëherë nga këto kamera, të cilat do të japin sinjalet në qendrën e monitorimit në polici, duke ndikuar që shkelje të tilla të ndodhin sa më pak”, ka shkruar tutje ai.
