Pesë raste të reja të të infektuarve me COVID-19 janë konfirmuar përgjatë 24 orëve të fundit.
Ministria e Shëndetësisë ka bërë të ditur se tani për tani janë gjithsej 407 raste aktive anembanë vendit.
Në këtë kohë nuk ka patur ndonjë viktimë ndërsa janë shëruar 22 pacientë.
Postimi i plotë:
Në 24 orët e fundit janë dhënë 2.800 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.597.345 doza të vaksinës.
Deri më sot 751.131 qytetarë janë vaksinuar me dozën e dytë.
Nga 1.474 testime, 5 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 22 qytetarë, derisa numri i përgjithshëm i të shëruarve është 157.570.
Në total numri i rasteve aktive është 407.
