Sekretari i Përgjithshëm i Federatës Evropiane të Gazetarëve, Ricardo Gutierrez, prej kohësh po e ndjek nga afër situatën e lirisë së medias në Ballkan.
Gutierrez tha se është i tronditur nga mënyra se si Ministria e Ndërmarrësisë, Tregtisë dhe Industrisë refuzoi ankesën e Klan Kosovës për tërheqje të licencës së biznesit.
“Mesazhi është shumë i qartë: qëllimi është të frikësohen të gjitha mediat duke u treguar atyre se qeveria ka fuqinë të mbyllë televizionin kryesor privat të vendit brenda pak javësh. Është një strategji terrori e ngjashme me atë që vërejmë në Rusi dhe Bjellorusi”, theksoi ai për Albanian Post.
Për kreun e organizatës evropiane, ky është tregues i një “qeverie të pamëshirshme” dhe është “qartësisht një paralajmërim për mediat e tjera të pavarura”.
