Pas shkarkimit të kryetares së KQZ’së nga e para e shtetit, Vjosa Osmani, kanë reaguar edhe organizatat e shoqërisë civile, të cilat e kanë kundërshtuar shkarkimin e Dakës duke e cilësuar si të motivuar politikisht.
Organizatat e shoqërisë civile kanë reaguar për shkarkimin e Valdete Dakës, duke e kundërshtuar vendimin e presidentes, Vjosa Osmani.
Nga këtë organizata kanë thënë se shkarkimi i Dakës është i motivuar politikisht, dhe se argumentet e presidentes janë të pabazuara.
“Bazuar në vendimin për shkarkim, ne vlerësojmë që argumentet e shtruara nga Presidentja janë të pabazuara dhe paraqesin keqinterpretim të situatave përkatëse. Mes tjerash, kryetares së KQZ-së i atribuohen ekskluzivisht të gjitha përgjegjësitë dhe dështimet e supozuara të KQZ-së, përkundër faktit që Kryetarja e KQZ-së është vetëm një nga njëmbëdhjetë anëtarët me të drejtë vote.”, shkruan ndër të tjerash në reagimin e OJQ’ve.
Komunikatë e plotë për Media:
Prishtinë, 14 qershor, 2021
Organizatat e shoqërisë civile kundërshtojnë shkarkimin e Kryetares së KQZ-së
Ne organizatat e poshtëshënuara të shoqërisë civile, kundërshtojmë vendimin e Presidentes së vendit, Vjosa Osmani-Sadriu, për shkarkimin e kryetares së KQZ-së, Valdete Daka. Ky vendim konsiderojmë se është i motivuar politikisht, si rezultat i ndërrimit të pushtetit në Kosovë pas zgjedhjeve të fundit.
Bazuar në vendimin për shkarkim, ne vlerësojmë që argumentet e shtruara nga Presidentja janë të pabazuara dhe paraqesin keqinterpretim të situatave përkatëse. Mes tjerash, kryetares së KQZ-së i atribuohen ekskluzivisht të gjitha përgjegjësitë dhe dështimet e supozuara të KQZ-së, përkundër faktit që Kryetarja e KQZ-së është vetëm një nga njëmbëdhjetë anëtarët me të drejtë vote. Madje, rikujtojmë që puna e KQZ-së është vlerësuar pozitivisht nga raportet vendore dhe ato ndërkombëtare të vëzhgimit të zgjedhjeve.
Gjithashtu, marrja e këtij vendimi në prag të shpalljes së datës së zgjedhjeve lokale përbën ndikim të drejtpërdrejtë në pavarësinë, integritetin dhe mbarëvajtjen e punës së KQZ-së në organizimin dhe administrimin e atyre zgjedhjeve.
Demokracia për Zhvillim (D4D)
Demokracia Plus (D+)
INDEP
INPO
Instituti Demokratik i Kosovës (KDI)
Instituti i Kosovës për Drejtësi (IKD)
Instituti i Prishtinës për Studime Politike (PIPS)
Lëvizja FOL
Organizata Nënë Tereza
Organizata Çohu
Syri i Vizionit.
