Nga 11 maji, në varësi të ecurisë së infektimeve, mund të rinisin disa fluturime dhe të hapen disa korridore tokësore, deklaroi sot kryeministri Rama.
Ai u shpreh se nga java tjetër do i shtohen listës së zonave ekzistuese të gjelbra një numër tjetër qytetesh që kanë më pak raste të prekurish me COVID.
“Regjim më të lehtësuar të lëvizjes e po studiojmë e presim nga komiteti i ekspertëve propozimin për zgjerimin e zonave të gjelbra, ka disa zona të tjera që mendojmë se i plotësojnë disa kriteret e vendosura për të zgjeruar në një pjesë jo të vogël të territorit ndërkohë që si Tirana dhe zona të tjera mbeten zona delikate e nuk përfshihen, por deri të premten do kemi një konkluzion e do lajmërojmë për zonat e reja të gjelbra që u shtohen atyre ekzistuese. Hapja do vazhdojë, me shumë kujdes. Kini parasysh cfarë ndodh rreth e rrotull. Se ka disa sikur nuk jetojnë në këtë botë, pashë një deklarim të drejtorit të ISHP gjerman që nënvizonte faktin se ka një rritje të zinxhirit të infeksionit në kushtet kur ka filluar hapja e kërkonte rishikim të masave të hapjes”, tha Rama.
“Po sot pashë lehtësimin e deklaruar nga qeveria greke e duke qenë se ka shumë që duan të ikin në Greqi nuk lejohet lëvizja nga prefektura në prefekturë, brenda përbrenda, pra kur flasim hap kufijtë se na mbyte e na vrave, a shikoni se ça ndodh në vendet e tjera? Të bëjmë durim e ruajmë qetësinë. Duke qenë se jemi tërësisht të suksesshëm deri tani, e duke qenë të vetëdijshëm se në një javë të vetme hapemi, duhet shumë kujdes, deri pas kësaj jave e javës në vijim, do bëjmë analizë të thellë me ekspertët do ballafaqohemi dhe komunitetit për korridoret ajrore e tokësore, në 11 maj mund të kemi një lehtësim në raport me domosdoshmërinë e karantinimit në hotel e në javën e ardhshme do shikojmë me shumë kujdes elementët që na duhen për të bërë një analizë të saktë. Një korridor shumë i ngushtë ajror, nuk janë hapur fluturimet në tërësi, lehtësimi do vijë në proces”, vijoi ai./shekulli
