Një rrahje ka ndodhur mes disa personave në kryeqytet, më konkretisht në sheshin “Nëna Tereza”, shkruan Insajderi.
Policia ka shoqëruar në stacion pesë persona, konfirmoi për Insajderin zëdhënësi i Policisë, Agron Borovci.
Si pasojë e rrahjeve tre persona kanë marrë trajtim mjekësor.
“Rreth orës 12:30 është pranuar informata për një rrahje në mes të disa personave, të ndodhur në sheshin “Nëna Terezë” në Prishtinë. Policia ka dalë në vendin e ngjarjes, ka ndërmarrë veprimet e nevojshme dhe ka shoqëruar në stacionin policor pesë persona. Tre persona të lënduar kanë marrë trajtimin e nevojshëm mjekësor”, tha Borovci për Insajderi.
“Aktualisht po ndërmerren të gjitha veprimet e nevojshme operativo-policore me qëllim të zbardhjes së plotë të të gjitha rrethanave që karakterizojnë ngjarjen”, shtoi ai.
