Ambasadori amerikan në Berlin njëherit i dërguar special i Presidentit amerikan, Donald Trump për dialogun Kosovë-Serbi, Richard Grenell ka përsëritur se taksa 100% duhet të hiqet.
Grenell përmes Twitterit ka shkruar se taksa duhet të hiqet në mënyrë që investimet të vihen në funksion.
“Taksa duhet të hiqet, në mënyrë që të funksionojnë investimet. Është thelbësore”, ka shkruar Grenell në Twitter.
https://twitter.com/RichardGrenell/status/1227198500905025536
Further investments in #Kosovo from @MCCgov planned in @realDonaldTrump budget. Compact agreement is expected to provide big boost to energy infrastructure and enable public private partnerships bringing economic growth to #Kosovo. cc: @RichardGrenell https://t.co/rySjPl97nx
— Petrit Selimi (@Petrit) February 11, 2020
Ndërkaq, Kryeministri Albin Kurti ka deklaruar se taksa 100% ndaj mallrave serbe do të zëvendësohet me reciprocitet ndaj Serbisë.
Ambasadori Grenell ka thënë poashtu një ditë më herët se taksa duhet të hiqet dhe reciprociteti nuk duhet të aplikohet.
Zëdhënësi i tij, Dick Custin, ka thënë se Grenell e inkurajon Kosovën që ta heqë taksën 100% ndaj prodhimeve të importuara nga Serbia, pa reciprocitet.
“Kosova duhet ta heqë taksën ndaj mallrave të Serbisë, pa reciprocitet. Jo vetëm ta pezullojë, por ta heqë plotësisht atë”, tha Custin.
“Ambasadori nuk e mbështet idenë e reciprocitetit”, shtoi ai.