Shtetet e Bashkuara të Amerikës kanë konfirmuar se Rusia ka dëbuar një diplomat të lartë në ambasadën e saj në Moskë, duke e quajtur masën një “hap shkallëzues” të paprovokuar.
Siç raporton BBC, Rusia ka dëbuar zëvendësambasadorin amerikan Bart Gorman, zyrtarin e dytë më të lartë në ambasadë – por Moska ende nuk e ka thënë pse, transmeton Demokracia.com.
Departamenti Amerikan i Shtetit thotë se veprimi i Moskës ishte “i paprovokuar dhe ne e konsiderojmë këtë një hap përshkallëzues dhe po shqyrtojmë përgjigjen tonë”.
“Ne i bëjmë thirrje Rusisë që t’i japë fund dëbimeve të pabaza të diplomatëve dhe stafit amerikan dhe të punojë në mënyrë produktive për të rindërtuar misionet tona,” thotë departamenti.
“Tani më shumë se kurrë, është kritike që vendet tona të kenë personelin e nevojshëm diplomatik për të lehtësuar komunikimin midis qeverive tona.”
