Mitrovica është përfshirë nga një furtunë e madhe me shi e kokrriz.
Pas një dielli të fortë dhe temperaturave të larta, askush nuk e kishte pritur këtë breshër të madh, shkruan Jepi zë.
Nga disa lagje qytetarët po raportojnë se disa rrugë janë bllokuar nga shiu dhe kokrrizi i madh që ra.
Edhe në këto momente shiu po vazhdon të bie, ndërsa në videot e dërguara në adresë të Jepi zë, shihet grumbulli i ujit në qendër të qytetit.
Ndryshe, ky breshër duket se ka dëmtuar edhe shumë kulturat bujqësore në shumë vende të rrethinës së Mitrovicës.
