Si pasojë e një konflikti mes dy grupeve të rinjsh në Shkodër, një 35-vjeçare ka mbetur aksidentalisht e plagosur me armë zjarri.
Ngjarja ka ndodhur mbrëmjen e djeshme në lagjen “Vasil Shanto”, ku e plagosur mbeti shtetasja Liljana Jeremia, e cila ishte kalimtare dhe është qëlluar gabimisht nga persona të paidentifikuar.
Sipas informacioneve, dy grupet e të rinjve kanë qëlluar me armë zjarri në drejtim të njëri-tjetrit.
Policia e Shkodrës ka sekuestruar kamerat e disa bizneseve për të identifikuar autorët dhe për të bërë të mundur zbardhjen e ngjarjes.
E plagosura ndodhet jashtë rrezikut për jetën.
/Ora News.tv/