Disa shtriga në Ukrainë kanë zbuluar planet për të ‘rrëzuar’ presidentin rus Vladimir Putin pas sulmeve në Ukrainë. Me anë të një postimi në Instagram, ato kanë njoftuar se plani i tyre ndahet në tri faza (pa i specifikuar) dhe rituali do të mbahet më 31 mars. “Ne, shtrigat e Ukrainës, në bashkëpunim me partnerët e huaj, do të kryejmë një ritual të ndëshkimit të armikut të popullit ukrainas Vladimir Putin”- shkruajtën ato.
Deri më tani 13 persona që e cilësojnë veten si shtriga kanë shprehur interes për të marrë pjesë në këtë ritual. Është e paqartë saktësisht se çfarë do të bëjnë shtrigat për të arritur qëllimin, megjithëse ato thonë se armiku i tyre ishte i mbrojtur mirë. Në një postim vijues në Instagram, shtrigat paralajmëruan gjithashtu se rituali mund të dështojë dhe të dëmtojë ata që kanë vendosur të marrin pjesë në të.