Me shumë gjasë, vizituan monumente historike e vende të bukura të Stambollit.
Momente nga këto ngjarje i publikoi edhe Besa Trans, agjencia që dërgoi nga Shkupi në Stamboll, 53 udhëtarë nga Maqedonia e Veriut.
Pas disa ditëve në Turqi, autobusi i firmës në fjalë mori udhën e kthimit.
Deri afër Sofjes, gjithçka duket se shkoi mirë, njofton Klan Kosova.
Por, në një moment, sipas një versioni ende jozyrtar, mjetit i shpërtheu goma e parë.
Për pasojë, u përplas në anësoren e autostradës, te vendi Bosnek.
Kjo bëri që autobusi të rrotullohet e të përfshihet nga flakët, pas rrjedhjes së derivateve.
46 pasagjerë vdiqën në vend. Raportohet se ata u dogjën tërësisht, deri në hi.
Shtatë tjerë shpëtuan, pasi ia dolën të dalin nga xhami i pasmë.
Këtë fat nuk e patën katër anëtarë të familjës Ahmeti nga Shkupi, dy nga ta fëmijë binjakë 4 vjeç, pasi vdiqën të gjithë.
Në këtë tragjedi humbën jetën edhe 10 fëmijë tjerë.
Nuk mbijetuan as djali nga kërcova e vajza nga Tetova, qifti që u raportua se shkuan në Stamboll për të kremtuar ditëlindjen e 27-të të të parit.
E të gjithë të shpëtuarit janë jashtë rrezikut për jetë.
https://youtu.be/h6jER9Q06vs
