Kryetari i Komunës së Skënderajt, Bekim Jashari, përmes një shkrimi në Facebook, ka treguar se të gjithë të infektuarit me koronavirus janë shëruar.
Ai tha se bashkë triumfojmë dhe lajmi për shërimin e të gjithë të infektuarve është lajm i jashtëzakonshëm.
Ky është postimi i plotë:
Bashkë triumfojmë!
Lajm i jashtëzakonshëm!
U shëruan të gjithë pacientët e diagnostifikuar me herët me COVID-19 në komunën tonë.
Kjo është një fitore e jona e përbashkët kundrejt një armiku të përbashkët.
Sapo mora informatën nga IKSHP që nga 11 mostra të marra sot në Skenderaj, përfshirë edhe pacientët me COVID-19, të gjithë kanë rezultuar negativ.
Faleminderit bashkëvendas që po i përmbaheni masave parandaluese që kemi ndermarrë.
Vazhdojmë kështu për të mirën e përbashkët!
