Gjykata Speciale ka bërë edhe ftesën e radhës. I ftuari është Avokati Gafurr Elshani, i cili është thirrur në cilësinë e dëshmitarit.
Kjo u bë e ditur përmes një njoftimi nga Organizata e Veteranëve të Luftës së Ushtrisë Çlirimtare të Kosovës.
Njoftimi i plotë i OVL UÇK-së:
Organizata e Veteranëve të Luftës së UCK-së mori lajmin se në bisedë informative në cilësinë e dëshmitarit është ftuar Avokati Gafurr Elshani.
Z. Elshani ishte pjesëmarrës i drejtpërdrejt në luftën çlirimtare, njëri nga figurat e rëndësishme të LPK-së dhe UÇK-së.
Gafurr Elshani është dizajneri i Emblemës së UÇK-së dhe autor i librit Ushtria Çlirimtare e Kosovës, botuar gjatë luftës.
Ai gjithashtu është edhe këshilltar i selisë qendrore të Organizatës së Veteranëve të Luftës së UÇK-së.
