Tentuan të kalonin lumin, por makinën e mori rrjedha/ Këta janë 2 elektricistët që humbën jetën në Gjirokastër

314

Një ngjarje e rëndë u shënua në mesnatë, në Gjirokastër, ku një makinë e OSHEE ka rënë në lumin Drino dhe si pasojë kanë humbur jetën 2 elektricistët, Selfo Kallfa 52 vjeç dhe Ismet Isaraj 64 vjeç

Të dy elektricistët që humbën jetën tragjikisht ishin me një provojë të gjatë në sektorin e energjisë. Selfo punonte në këtë sektor prej 34 vitesh, ndërsa Ismeti prej 22 vitesh.

Mësohet se këta të fundit kanë qenë duke inspektuar në zonën lindore të luginës, pasi kishte avari në linjat e përcjelljes së rrymës elektrike. Avaria është konstatuar në fshatin “Asim Zenelaj” dhe për këtë qëllim kanë shkuar për të ndërhyrë dy elektricistët, Selfo Kallfa dhe Ismet Isaraj.

Rreth orës 00:30, në shtratin e lumit Drino, një automjet të OSHEE-së, në përpjekje për të kaluar lumin, e ka marrë rrjedha e lumit dhe për pasojë kanë humbur jetën dy elektricistët që ndodheshin në mjet.

Trupat e të dy shtetasve u nxorën nga polumbarët e RENEA-s.

Top Channel