Zhvillime të reja sa i përket anëtarësimit të Kosovës në KiE, por dhe jo vetëm.
Pak çaste më parë, Vjosa Osmani, shoqëruar nga kryeministri Kurti e kryeparlamentari Konjufca kanë pritur në takim ambasadorët e vendeve të QUINT-it.
I njëjti takim veçse është mbyllur, ndërsa Paparaci ka mësuar se diskutimi është bërë për një çështje të ndjeshme, e që në fakt ndërlidhet me letrën e dërguar para pak ditësh nga krerët në drejtim të përfaqësueses Bakoyannis.
Kusht për anëtarësim në KiE pritet të jetë hapi i parë për themelimin e Asociacionit, e që është miratimi i Draft-Statutit nga ana e Gjykatës Kushtetuese.
“Është kërkuar që çështja e Draft-Statutit të shkojë për verifikim në Kushtetuese”, ka thënë shkurtimisht ky burim për Paparacin.
Kjo në fakt nuk është diçka e jashtëzakonshme, gjithmonë nëse bazohemi në letrën për të cilën pushteti arsyetohet si teknike.
Aty shkruhet qartazi që të gjitha marrëveshjet e arritura në Bruksel e Ohër do të respektohen në përpikmëri, ndërsa Bashkësia e Komunave me Shumicë Serbe, përkatësisht themelimi do të monitorohet edhe nga zyra relevante e Këshillit të Evropës.
