Një tren i pasagjerëve kishte dalë nga shinat në një urë në veri-lindje të Bangladeshit të dielën mbrëma.
Si pasojë, kanë gjetur vdekjen të paktën pesë persona dhe janë lënduar më shumë se 100 të tjerë, shkruajnë mediat e huaja.
Fatkeqësia ndodhi kur gjashtë vagonë të trenit dolën nga shinat në një urë në Baramchal në Moulvibazar, rreth 140 kilometra nga kryeqyteti, Dhaka.
Të gjitha shërbimet e trenave mes Sylhet dhe rretheve të tjera u pezulluan pas aksidentit.
Ndërkohë është duke u zhvilluar një hetim rreth shkakut të aksidentit.
