Një 21-vjeçar nga Kassel u qëllua për vdekje në Knorrstraße në Niederzwehren. Miqtë vunë lule në vendin e ngjarjes të enjten pasdite.
“Është e dhimbshme”, thotë njeriu që erdhi në Knorrstraße dje pasdite në vendin e krimit. Ai e njeh babanë e 21-vjeçarit, i cili u qëllua aty. Ai e njeh prej 25 vjetësh. Familja e tij erdhi ashtu si ajo e mikut të tij, nga Kosova.
Siç ka thënë ai, 21-vjeçarin, i cili ka lindur në Kassel, personalisht nuk e ka njohur, shkruajnë mediat gjermane, përcjell Telegrafi.
Por ai ndjen keqardhje për familjen, e cila ka disa fëmijë dhe gjithashtu jeton në Niederzwehren. Ai tashmë ka shprehur ngushëllimet e tij për dy vëllezërit e të riut.
Gjithashtu disa të rinj kanë qëndruar në Knorrstraße pasdite dhe kanë lot në sytë e tyre.
Ndër ta ka qenë edhe një ish-shok i klasës së 21-vjeçarit, i cili ka ardhur për të vendosur një tufë lulesh me trëndafila të bardhë dhe ndezur një qiri.
Ai mësoi në mëngjes se shoku i tij ishte qëlluar. Ai nuk dinte asgjë për rrethanat. I riu thotë vetëm për mikun e tij të vdekur: “Ai ishte një luan. Ai nuk kishte frikë nga asgjë”.
Sipas informacioneve të HNA, 21-vjeçari dhe i dyshuari, me një burrë tjetër, kishin ndaluar, në një hapësirë të gjelbëruar në mes të dy rrugëve, përcjell Telegrafi.
“Aty mund të ulesh në një stol. Këtu me siguri erdhi deri tek një mosmarrëveshje midis burrave. Një grindje që përshkallëzoi aq shumë sa që njëri qëlloi në tjetrin. Të paktën pesë të shtëna janë shkrepur”, shkruan HNA.
Sipas mediave gjermane, ekspertët e forenzikës dhe policia kontrolluan dje në mëngjes hapësirat përreth.
