Kombëtarja e Perusë është gjysmëfinalistja e katërt e Kupës së Amerikës, e cila do të përballet me Kilin.
Teknologjia VAR ka qenë vendimtare edhe në ndeshjen Urugai – Peru, e cila u mbyll me rezultatin 0:0 në kohën e rregullt.
Në një ndeshje të dominuar nga Uruguai, ishte teknologjia ajo që vendosi gjithçka, duke anuluar tri gola, shkruan lajmi.net.
Milimetrike ishte pozita jashtë loje e Luis Suarez, kur u anulua ‘goli i tretë’ në këtë ndeshje mjaft interesante.
Pas përfundimit të kohës së rregullt, skuadrat shkuan në ekzekutimin e penalltive, për të vendosur gjysmëfinalistin e katërt të Kupës së Amerikës, për të cilin priste kombëtarja e Kilit.
Në ekzekutimin e penalltive më të saktë u treguan Peruja, të cilët siguruan gjysmëfinalen, pasi Suarez gaboi nga pika e bardhë.
Duke triumfuar me rezultatin 5:4 në këtë çerekfinale kundër Uruguait, të vendosur nga VAR-i, Peruja do të përballet me Kilin në gjysmëfinale të Kupës së Amerikës.
https://streamable.com/jj8kq