Një person është gjetur pa shenja jete sot në oborrin e shtëpisë së tij në lagjen ’29’ në Fushë-Kosovë.
Në bazë të të gjetjeve të para dyshohet se viktima kishte plagë të shkaktuara nga arma e zjarrit ndërsa rasti është iniciuar si vdekje e dyshimtë, raporton Indeksonline.
“Policia ka marrë informacione rreth orës 13:00 se në lagjen 29 në Fushë-Kosovë, saktësisht në oborrin e një shtëpie ndodhet një person pa shenja jete. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti. Vdekjen e viktimës mashkull (1957) e ka konstatuar ekipi mjekësor në vendin e ngjarjes. Mbështetur në të gjeturat fillestare dyshohet se viktima kishte plagë të shkaktuara nga arma e zjarrit”, ka thënë për Indeksonline, zëdhënësja e policisë për rajonin e Prishtinës, Flora Ahmeti.
Tutje ajo ka theksuar se tashmë rasti është iniciuar si vdekje e dyshimtë dhe se po punohet për të ndriçuar rrethanat e plota të këtij rasti.
