Ka ndërruar jetë ish-kryetari i Komunës së Istogut nga radhët e Lidhjes Demokratike të Kosovës.
Këtë e ka konfirmuar edhe ish-kandidati i Aleancës për Ardhmërinë e Kosovës për kryetar të Istogut, Gani Dreshaj.
Ky është postimi i tij:
Sapo mora lajmin e hidhur për vdekjen e ish-kryetarit shumëvjeçar të Istogut, Haki Rugova.
Në garën për kryetar e kisha rival, por gjithmonë kam ruajtur respektin si ish-profesor fantastik, si intelektual me vlera të larta, por edhe për disa punë të mira që i ka bërë për Istogun ndër vite.
Para pak javësh e takova rastësisht në Istog, dhe e urova për pensionimin pas një karriere të bujshme profesionale e politike.
Ngushëllime familjes Rugova, shoqërisë, dhe gjithë simpatizuesve të LDK-së për humbjen e ish-kryetarit tonë. G.D.