Vëmendja e tri klubeve të mëdha evropiane për 90 minuta lojë do të jetë mbrëmjen e sotme te sulmuesi i Kosovës, Vedat Muriqi.
Atletico Madridi, Tottenham Hotspuri dhe Lazio janë duke u përmendur nga gazeta turke Fanatic si vëzhgues në stadiumin “Fadil Vokrri” të sulmuesit nga Prizreni.
Muriqi ka shkëlqyer gjatë detyrës me skuadrën kombëtare duke shënuar brenda pesë ndeshjeve të fundit tri gola dhe duke krijuar një asistim.
Gjiganti në Premierë Ligë, klubi madhështor madrilen në Wanda Metropolitano të Spanjës dhe skuadra italiane në Serie A do të vëzhgojnë për plotë 90 minuta lojë Muriqin në ndeshjen mes Kosovës dhe Malit të Zi në kuadër të kualifikimeve.
Vlera aktuale e sulmuesit qendror sipas uebfaqes Transfermarkt është 8 milionë euro, por zyrtarë të Fenerbahces thonë se as njërën këmbë të tij nuk e japin për 30 milionë – aq sa ishte shtruar një ofertë së fundmi për të.
