Kadri Veseli po merr pjesë në ngjarjen e madhe në Prizren ku po dhurohen 128 shtëpi. Nga aty Veseli ka thënë se duhet ta falenderojmë Zotin që na dhuroi Halil Kastratin.
Kryetari i Partisë Demokratike të Kosovës (PDK), Kadri Veseli ka theksuar se duhet falënderuar Zotin për dhuratën që ai bëri shqiptarëve, duke e dërguar një njeri si Halil Kastrati.
Ai këto komente i ka bërë në ceremoninë e cila po mbahet në sallën “Sezai Surroi”, në Prizren, ku shoqata Jetimat e Ballkanit në vigjilje të 10 vjetorit të themelimit të saj po dhuron 128 shtëpi për nevojtarët.
Live: Ngjarje e madhe në Prizren: “Jetimat e Ballkanit”, në 10 vjetorin e punës së tyre dhurojnë 128 shtëpi
“Halili është pjesë e sakrificës për Kosovën, sepse e ka edhe vëllaun dëshmor të lirisë. Ai po tregon si duhet vendi dhe shteti”, ka shtuar Veseli.
Ndryshe, sot në ngjarjen e madhe që po zhvillohet në Prizren, ku po dhurohen 128 shtëpi për nder të 10 vjetorit të shoqatës “Jetimat e Ballkanit”, po marrin pjesë shumë figura politike dhe nga jeta shoqërore shqiptare. /gazetametro.net
