Kryetari i Kuvendit të Kosovës, Kadri Veseli, pas mbledhjes së Kryesisë ka thënë se kishte konsensus për disa vendime që, sipas tij, janë në interes të qytetarëve.
“Shpërndarja e Kuvendit i jep mundësi Presidenti që të caktojë datën e zgjedhjeve. E kam thënë me bindje të plotë, edhe sot e them, se e vetmja zgjidhje janë qytetarët e vendit tonë, dhe janë zgjedhjet. Ato nuk janë vetëm opsion apo alternativë, por vendim i duhur për qytetarët. Me këtë vendim kemi treguar dinjitet para qytetarëve tanë”, ka thënë ai, ndërsa ka uruar qytetarët për zgjedhjet.
“Ne e dimë datën e shpërndarjes së Kuvendit, dhe, ndonëse është kompetencë e Presidentit, janë 30-45 ditë nga shpërndarja e Kuvendit kur duhet të mbahen zgjedhjet”, përfundoi ai.
