Një 79-vjeçar nga Gramshi është vetëplagosur me armë gjahu.
Mësohet se ngjarja ka ndodhur në lagjen “Sporti”. Burime zyrtare nga Policia bënë me dije se i moshuari, shtetasi me inicialet N.Xh., është dërguar me urgjencë në spital nga familjarët e tij, shkruan lapsi.al.
I vetëlënduari ndodhet në gjendje të rëndë shëndetësore pas plagëve të marra nga arma e zjarrit.
Nga hetimet paraprake rezulton se 79-vjeçari e zotëronte pa leje armën e gjahut.
Ndërkohë, grupi hetimor po punon për zbardhjen e rrethanave të ngjarjes.
