Në fshatin Samadrexhë të Suharekës ka vdekur një grua në rrethana të paqarta pas një aksidenti në mes të dy veturave,
Një aksident i lehtë trafiku, doli të jetë tragjik për një 67 vjeçare.
Lëndimet që Sanije Krasniqi mori në aksidentin në Samadrexhë të Suharekës nuk e dërguan atë drejt vdekjes.
Mirëpo një konflikt mes bashkëshortit të saj e shoferit te veturës tjetër e shqetësoi deri në pikën ku dyshohet se ndërroi jetë shkaku i infarktit.
E madje, sipas policisë rajonale të Prizrenit, viktima dyshohet se ishte shtyrë nga i dyshuari tjetër, që tashmë edhe është arrestuar.
Dyshohet se ishte ai ishte i dehur në kohën kur ndodhi kjo ngjarje.
Menjëherë pas gjithë ngjarjes, ajo rreth orës 21:40 u dërgua me ekipet e urgjencës në qendrën e Mjekësisë Familjare në Suharekë.
Televizioni ka tentuar të marrë qëndrim edhe nga familja Krasniqi.
Para kamerës jo, mirëpo prapa saj ata thanë se i dyshuari është bashkëfshatar i tyre, mirëpo që nuk kanë pasur ndonjëherë konflikt tjetër me të.
Ndërkaq M.B është dërguar në mbajtje si i dyshuar për veprën penale “Vrasje nga pakujdesia”, e trupi i pajetë i viktimës është dërguar në Institutin e Mjekësisë Ligjore për obduksion.
