Kryeministri i Shqipërisë, Edi Rama dhe Presidenti Ilir Meta pritet të përballen në një seancë gjyqësore në Gjykatën Kushtetuese në lidhje me kompetencat për dekretimin e ministrave.
Përmes një kërkese, Rama ka kërkuar interpretimin e nenit 98, pika 1 të Kushtetutës për të drejtën e emërimit dhe shkarkimit të ministrave.
Seanca do të mbahet më datë 25 Mars 2021 dhe trupës së Gjykatës Kushtetuese do t’i duhet të shprehet se si do të veprohet më pas për çështjen e emërimit të ministrave, shkruan tvklan.al.
