Pak ditë pasi Andy Ruiz Jr e tronditi botën e boksit duke e rrahur Anthony Joshuan në meçin për tre titujt e botës në kategorinë e rëndë, IBF, WBO dhe WBA, kanë nisur teoritë konspirative.
Boksieri amerikan i lindur në Meksikë, Ruiz shkaktoi njërën prej tronditjeve më të mëdha në histori të kategorisë së rëndë të boksit kur ia mori Joshuas titujt IBF, WBO dhe WBA në meçin e së shtunës në Nju Jork, transmeton Gazeta Express.
Ruiz u bë meksikani i parë kampion i botës pasi e rrahu Joshuan duke e rrëzuar katër herë para se gjyqtari ta ndërpriste meçin në rundin e shtatë.
Joshua nuk u duk asnjëherë në rregull gjatë meçit, siç dëshmojnë edhe pamjet para dhe gjatë tij.
Veprimet e britanikut ishin të çuditshme, mezi lëvizte dhe madje u duk paksa i trullosur ende pa rënë kambana e fillimit të meçit.
Në një video të publikuar së fundmi, Joshua nuk duket i 100% i gatshëm në qoshen e tij para meçit. Njëri prej anëtarëve të ekipit të tij shihet duke ia mbajtur kokën me dorë tërë kohën.
Just look at Anthony Joshua before the Andy Ruiz Jr fight. Something was definitely wrong 😕pic.twitter.com/WkNSYkzuoy
— GiveMeSport Boxing (@GMSBoxing) June 3, 2019