Viti 2018 shënoi rritjen më të lartë të shkëmbimeve tregtare midis Shqipërisë dhe Kosovës

0
367
Ambasadori i Shqipërisë në Kosovë, Qemal Minxhozi ka uruar që viti 2019 të shënojë rritje edhe më të madhe tregtare ndërmjet Kosovës dhe Shqipërisë.
Minxhozi, përmes rrjetit social Facebook, ka numëruar të arriturat e shkëmbimeve tregtare mes dy vendeve, ndërkaq pret që viti 2019 të jetë vit me rritje më të madhe.
“Gjatë vitit 2018 u shkëmbyen 71 milion euro mallra më shumë se në vitin 2017 dhe 106 milionë më shumë se në vitin 2016”, ka shkruar Minxhozi.
Sipas tij, gjatë vitit 2018 midis dy anëve te kufirit u shkëmbyen 271 milionë, ku Shqipëria eksportoi 205 milion ndërsa Kosova eksportoi në Shqipëri 66 milion.
Krahasuar me një vit më parë, Kosova i rriti eksportet e saj 23 përqind, ndërsa Shqipëria 33 përqind.
“Uroj që 2019 të njohë rritje edhe më të mëdha”, ka shkruar Minxhozi.