Ministri i Shëndetësisë, Arben Vitia, ka thënë që lajmi i publikuar nga një medium se qeveria e ka refuzuar kontratën me BionTech për sigurimin e vaksinave ëhstë i rrejshëm dhe i pavërtetë.
“Më lejoni të jem shumë i shkurt. Lajmi i publikuar në gazetën Insajderi është i pavërtetë, i dëmshëm dhe dashakeq”, ka thënë Vitia në konferencë për media.
“Është i pavërtetë sepse ata që janë siguruar me kinse informacione zyrtare janë krejtësisht të pasakta”.
“Ne nuk mund të flasim për progresin që kemi bërë për vaksina sepse kjo çështje është strikt konfidenciale”.
Vitia ftoi Prokurorinë e shtetit që ta mbrojë interesin publik dhe atë të qytetarëve, pasi e konsideroi se ky lajm i rremë e ka rrezikuar shëndetin e qytetarëve.
