Anëtari i PSD-së, Frashër Krasniqi ka reaguar për propozimin e fundit të Lëvizjes Vetëvendosje për marrëveshje me LDK-në.
Përmes një postimi në Facebook, Krasniqi thotë se sa herë që VV bën veprimet e njëjta me qeverisjet e kaluara, ato po i bën për të tjerët e jo për vete.
Krasniqi thotë se Vetëvendosje për t’i ruajtur pesë ministri për vete, po i shtone dhe dy të tjera, një për LDK-në, e një tjetër për Srpskan, transmeton Fokusi.info.
Postimi i plotë:
Saherë që VV bënë veprimet e njejta me qeverisjet e kaluara, thotë se ato po i bën për të tjerët e jo për vete.
Rritja e numrit të ministrive është kryekëput logjikë e bazuar në rehatime e pushtet. Njësoj si pushtetet e kaluara. Veç arsyetimi ndryshon.
VV për t’i ruajtur 5 ministri për vete po i shton edhe dy të tjera. Një për LDK-në e tjetrën për Srpskan.
Sepse popullistët veprojnë njësoj me ata që i kritikonin. Por tash gjithçka e arsyetojnë me interesin e popullit.