Anëtari i PSD’së, Visar Ymeri, është i ftuar sonte në emisionin DPT te Fidani në T7.
Ymeri ndër të tjera në këtë takim ka folur edhe për dështimin e një bashkëpunimi opozitar pas shpërbërjes së Kuvendit dhe dështimit të lidhjes së një koalicioni mes LDK’së dhe Lëvizjes Vetëvendosje.
“Tash po shihet se ku ka qenë problemi i bashkëpunimit me dy subjektet opozitare. Tash po shpërfaqen tërë ato probleme që kemi pasur në bashkërendimin e veprimeve opozitare në Kuvend”, ak thënë Ymeri.
“Po shihet që nuk ka qenë PSD ajo që ka prishë bashkëpunimin por kokëfortësia e Lëvizjes Vetëvendosje, si dhe dështimi i LDK’së që nuk ka bërë shumë për bashkëpunim. Koalicioni nuk mund të lidhet në kazuën e një individi. Pyetja kryesore për lidhjen e një koalicioni ka qenë se a po bëhet Albini kryeministër apo jo?”
Ymeri ka shtuar se një koalicion i PSD’së me AAK’në ka qenë më i arritshëm marrë parasysh dështimin e bashkëpunimit opozitar me dy partitë e mëdha të opozitës gjatës legjislacionit të kaluar./Gazeta Express/
