Kryetarit të Kuvendit të Maqedonisë së Veriut, Talat Xhaferit, i është ndarë një dekoratë nga presidenti ukrainas, Volodymyr Zelensky.
Xhaferi ka njoftuar për këtë në Facebook, duke thënë se ia ka ndarë Dekoratën “Jarosllav i Urti” për merita personale të rëndësishme në përforcimin e bashkëpunimit ndërshtetëror e kontribut për Ukrainën.
“Jam veçanërisht i nderuar nga lajmi se Presidenti Zelenski me Dekretin numër 734/2022 më ndan Dekoratën Jarosllav i Urti për merita personale të rëndësishme në përforcimin e bashkëpunimit ndërshtetëror, mbështetjes së sovranitetit dhe integritetit territorial të Ukrainës, për kontributin e konsiderueshëm në popullarizimin e shtetit të Ukrainës në botë”, ka shkruar Xhaferi.
Xhaferi ka qenë lideri i parë nga rajoni që pati vizituar Kievin pas nisjes së luftës nga Rusia.
Ai është shprehur i bindur se “tmerri dhe pasojat e agresionit, por në të njëjtën kohë, guximi dhe optimizmi i ukrainasve dëshmohet personalisht”.
