Zyra e Prokurorit të Shtetit të Kroacisë ka dhënë njoftimin mbi aksidentin rëndë në afërsi të Sllavonski Brod të Kroacisë, ku mbetën të vdekur dhjetë persona, ndërsa shoferi u mor në pyetje dhe u caktua masë e paraburgimit, transmeton Gazeta Metro.
Ndërsa, Zyra e Avokatit të Shtetit të Kroacisë ka njoftuar se shoferi ishte i lodhur dhe i paaftë për të drejtuar automjetin ndërsa pasi u morr në pyetje dhe është kërkuar masa e paraburgimit.
“Ekziston një dyshim i bazuar se i dyshuari 52-vjeçar po ngiste një autobus në korsinë jugore të autostradës A3 afër Sibinj më 25 korrik 2021 rreth orës 6.15 të mëngjesit, në kundërshtim me nenin 47, paragrafi 2 dhe nenin 198, paragrafi 1 i Aktit të Sigurisë së Trafikut Rrugor (kilometri 211 dhe 200 metra), dhe se në gjendje të lodhjes dhe paaftësisë për të drejtuar automjetin në mënyrë të sigurt, ai nuk lëvizi në një distancë të mjaftueshme nga buza e djathtë e rrugës, kështu që u kthye në të djathtë në zonën me bar në anën jugore”, njoftoj zyra e Avokatit të Shtetit, raporton Index.hr.
“Pas ekzaminimit të të pandehurit, do të merret një vendim mbi hetimin dhe Zyra e Avokatit të Shtetit do t’i paraqesë gjykatësit hetues të Gjykatës së Qarkut Slavonski Brod një propozim për të urdhëruar paraburgim në përputhje me nenin 123, paragrafi 1 pika 1 e KPP / 08 .”, shtoi tutje Zyra e Avokatit të Shtetit.
