Artan Dërmaku është zgjedhur rektor i Universitetit Publik të Gjilanit “Kadri Zeka”. Në krye të këtij universiteti Dërmaku do të qëndrojë katër vjet.
Pas emërimit të tij në krye të Universitetit të Gjilanit ka reaguar anëtarja e kryetarja e Forumit të Gruas së LDK-së, Jehona Sadriu-Lushaku.
Ajo ka thënë se Dërmaku është anëtar i partisë në pushtet, pra Lëvizjes Vetëvendosje.
“Anëtari i LV-së, rektor i Universitetit të Gjilanit! Thonin që do ta bëjnë ‘ç’kapjen’… ‘Ç’kapje’ duke zgjedhur anëtarin e LV-së rektor të Universitetit të Gjilanit?! Rektor partiak?! ‘Ndryshimi’ i kërkuar po merr formë: Kapje e të gjitha institucioneve publike nga partia në pushtet”, ka shkruar Sadriu-Lushaku në “Facebook”.
