Të dhëna të konfirmuara nga institucionet e Kosovës, deklaruan për KosovaPress se në automjetin e rusit që tashmë është larguar nga Kosova për në Beograd, Mikhail Krasnoschenkov, është gjendur një sharrë motorike për prerjen e drunjve, të cilat u vendosën si barrikadë në fshatin Varagë të Epërme të Zubin Potokut.
Zyrtari rus i UNMIK-ut, u arrestua ditën kur institucionet e Kosovës në veri zhvillonin operacion për arrestimin e të dyshimtëve për aktivitete të kundërligjshme.
Rusi Krasnoschenkov po provonte t’i ndalonte arrestimet e kriminelëve serbe duke qenë pjesë e barikadës.
Zëvendësministri i Ministrisë së Mbrojtjes, Burim Ramadani ka deklaruar gjatë ditës se në baze te informacioneve, Krasnoschenkov, kishte shërbyer si oficer i inteligjencës në GRU-në ruse.
