Pasagjerët e fluturimit të American Airlines përjetuan momente tmerri kur kabina e avionit u mbush me diçka që fillimisht u mendua se ishte tym, por që në fakt ishte mjegull.
Incidenti ndodhi më 8 qershor dhe avioni bëri një ulje emergjente në Nikaragua, siç përmendet “The Independent”.
“Mos po talleni gjë?”, thotë një pasagjer, i cili nuk mund ta besojë atë që po ndodh.
Besohet se mjegulla u shkaktua kur ajri i kondicionuar brenda aeroplanit erdhi në kontakt me ajrin e nxehtë dhe të lagësht jashtë tij, pasi ekuipazhi i kabinës hapi dyert e avionit për të pritur udhëzimet përpara nisjes. Pavarësisht se udhëtarët po përjetonin orë tmerri, piloti bënte shaka duke thënë se kjo ishte si një festë Halloween.
Një zëdhënës i American Airlines kërkoi ndjesë për devijimin dhe vonesën, por tha se, “siguria e klientëve tanë dhe anëtarëve të ekipit është prioriteti ynë kryesor”.
Top Channel
