Shtatë policë kanë mbetur të plagosur nga mjetet e ndaluara shpërthyese që hodhën protestuesit e opozitës.
Lajmi konfirmohet nga ministri i Brendshëm, Sandër Lleshaj.
“Ka mbërritur në 7 numri i policëve të plagosur nga sulmi i militantëve të Lulzim Bashës. Për këtë do të ketë përgjegjësi përpara ligjit”, thekson Lleshaj.
Prej gati një orë protestuesit e opozitës po qëndrojnë përpara godinës së Kuvendit të Shqipërisë, ku situata është tensionuar nga dhjetëra fishekzjarre e kapsolla që hidhen drejt policisë vendosur në mbrojtje të institucionit./atsh
