Serbët nuk do të shkojnë në Gjakovë.
Komandanti i Stacionit policor të Gjakovës, Kristë Gjokaj, ka thënë se nuk kanë pranuar asnjë informatë në rrugë zyrtare se në Gjakovë do të vijnë serbë.
“Jo nuk kemi paralajmërim zyrtar se do të vijnë dhe assesi nuk do të vijnë për shkak se nuk kemi paralajmërim zyrtar deri tani”, tha Gjokaj.
Ai shtoi se protestuesit janë në të drejtën e tyre për protestë, ndërsa theksoi se janë marrë të gjitha masat për të siguruar rendin dhe qetësinë publike.
“Ne kemi marrë masat për ta ruajtur rendin dhe qetësinë publike, protestuesit kanë të drejtë të protestojnë. Deri tani gjithçka është në rregull”, shtoi ai.
Në fund, Gjokaj tha se së shpejti pritet shpërndarja e protestuesve.
