Një 54-vjeçare është përplasur për vdekje në superstradën Lezhë-Tiranë, në afërsi të vendit të quajtur “Mbikalimi i Patokut”.
54-vjeçarja me iniciale A.M., banuese në Mirditë ka qenë duke tentuar të kalojë në anën tjetër të rrugës, përmes superstradës, ndërsa u përplas nga një automjet.
Gruaja ka ndërruar jetë rrugës për në spital.
Drejtuesi i automjetit, shtetasi me iniciale H.A banues në Kosovë, është shoqëruar në ambientet e Policisë për veprime të mëtejshme hetimore.
