Anglia ka triumfuar ndaj Zvicrës pas ekzekutimit të penalltive me rezultat 6 – 5, ndeshja e vlefshme për vendin e tretë në Ligën e Kombeve.
Ndeshja e rregullt dhe ato nga dy herë 15 minuta përfundoi pa gola.
Anglia ishte më dominante gjatë tërë takimit, por portieri Sommer ishte në formë të jashtëzakonshme dhe i mohoi golin e fitores në minutat e rregullta ‘Tre Luanëve’.
Goditja më e madhe për Zvicrën erdhi në minutën e 65-të, kur Xherdan Shaqiri pësoi lëndim dhe u detyrua të largohej nga fusha.
Anglia shënoi pesë minuta para fundit, por goli u anulua për faull pas rishikimit të VAR-it.
Në fundë, anglezët triumfuan pas 11-metërshave falë edhe portierit Jordan Pickford, i cili jo vetëm se shënoi vetë penalltinë e pestë, por edhe priti atë të Drmiç që i siguroi vendin e tretë Anglisë në Ligën e Kombeve.
Vlen të ceket se Granit Xhaka nuk gaboi nga penalltia.
Zvicra përfundon si e katërta në Ligën A, aty ku finalja do luhet sonte mes Portugalisë dhe Holandës.
https://streamable.com/ounap
