Kombëtarja e Argjentinës e ka fituar “Finalissiman” ndaj Kombëtares së Italisë.
Kampionët e Copa America triumfuan 0:3 ndaj kampionëve të Evropës në stadiumin “Wembley” në Londër, shkruan Demokracia.com.
Rezultati ishte i baraspeshuar deri në minutën e 28-të kur Lautaro Martinez falë asistimit nga Lionel Messi kaloi Argjentinën në avantazh.
Epërsia u dyfishua në minutën e parë shtesë të pjesës së parë nga Di Maria që shënoi gol të bukur.
Për golin e tretë të Argjentinës u desh të pritej minuta e 94-të kur Dybala me ndihmën e shtyllës realizoi golin e fundit.
Ndeshja finale e quajtur “Finalissima” vjen pas marrëveshjes mes UEFA-s dhe CONMEBOL-it.
Kjo ishte hera e tretë në histori që një Kombëtare kampione nga Evropa do të takohet me kombëtaren kampione nga Amerika e Jugut.
Në vitin 1985, Franca kishte mposhtur Uruguain 2:0 në Paris, dhe tetë vjet më vonë Argjentina mposhti Danimarkën me penallti në Argjentinë.
https://youtu.be/P9icY3tF7lE
