Bujqit nga komuna e Rahovecit do të protestojnë ditën e hënë para komunës për mos ekzekutimin e 25% të vlerës së dëmit të premtuar nga ana e ministrit të Bujqësisë, Besian Mustafës.
E të njejtën gjë pritet ta bëjnë edhe ditën e martë por këtë herë para Qeverisë së Kosovës, shkruan IndeksOnline.
Qeveria më 5 korrik kishte ndarë mbi 1.8 milionë euro për kompensimin e dëmve të shkaktuara në ekonomitë bujqësore nga fatkeqësitë natyrore. E ndër komunat përfituese ishte edhe komuna e Rahovecit.
Sipas dokumentit, komunës së Rahovecit i takojnë 660.275 euro nga Qeveria.
Por ende deri tani nuk janë shpërndarë këto mjete.
Për këtë arsyeje bujqit do të marrin masa.
