Bullgaria sot ka konfirmuar vdekjen e pacientit të parë nga coronavirusi, ndërsa lajmi është konfirmuar nga zyrtarët e Ministrisë së Shëndetësisë.
Sipas mediave të huaja, përcjell Telegrafi, bëhet e ditur se viktima ishte një grua 66-vjeçare, ndërsa ishte dërguar dje në një spital në Sofje, pasi ishte e sëmurë me pneumoni të rëndë.
Autoritetet bëjnë të ditur se 66-vjeçarja ishte personi i gjashtë i infektuar me coronavirus në Bullgari.
Kujtojmë se vendi me më shumë të prekur nga coronavirusi në Evropë është Italia, pasi vetëm në ditën e djeshme janë konfirmuar 10 mijë raste, ndërsa 631 persona kanë ndërruar jetë.
