Për kontributin e dhënë për lirinë dhe pavarësinë e Kosovës, humanisti Turan Rusi është dekoruar me Medaljen Presidenciale, shkruan Fokusi.info.
Kjo bë e ditur nga presidenti Hashim Thaçi, i cili thotë se Turani me djemtë e tij, Salin, Ilirin e Arbenin dhe gjithë familjen treguan dije, humanizëm, vullnet dhe guxim për të punuar pareshtur për lirinë dhe shtetin e Kosovës.
“Për kontributin e dhënë për lirinë dhe pavarësinë e Kosovës, me Medalje Presidenciale sot e dekorova humanistin Turan Rusi. Ai është një prej bashkatdhetarëve të parë që emigroi në Shtetet e Bashkuara të Amerikës, pas luftës së Dytë Botërore. Turani me djemtë e tij, Salin, Ilirin e Arbenin dhe gjithë familjen treguan dije, humanizëm, vullnet dhe guxim për të punuar pareshtur për lirinë dhe shtetin e Kosovës”, shkruan Thaçi./Fokusi.info/